news-details
समाचार

Share this post!

छोरीलाई  करणी गर्न खोज्ने बाबु पक्राउ

बर्दिया । प्रहरीले आफ्नै छोरीलाई पटक–पटक जबरजस्ती करणी गर्न खोजेको आरोपमा  एक जनालाई पक्राउ गरेको छ । प्रहरीका अनुसार असार १८ गते राति आफ्नै छोरीलाई बाबुले जबरजस्ती करणी प्रयास गरेको उजुरीका आधारमा पक्राउ गरिएको हो । जिल्ला प्रहरी कार्यालय बर्दियाका डीएसपी हेम बहादुर शाहीका अनुसार राति साढे १२ बजेतिर राहुलले आफ्नै छोरी सोनियालाई कोठाभित्र एक्लै सुतिरहेको अवस्थामा जवरजस्ती करणी गर्न खोजेको भन्दै छोरीले नै उजुरी दिएकी थिईन् ।

जबरजस्ती करणी प्रयास भएपछि छोरीले नै प्रहरीले उजुरी दिएपछि उनलाई पक्राउ गरेर जबरजस्ती करणी उद्योग मुद्दामा आवश्यक अनुसन्धान भैरहेको डीएसपी शाहीले जानकारी दिए । यसअघि पनि पटकपटक उनले छोरीलाई यौन दुर्व्यवहार गर्नुका साथै करणी गर्ने प्रयास गरेको प्रहरी अनुसन्धानबाट खुलेको छ ।
बाबुले गरेको यौन दुर्व्यवहार बारे बोल्दा इज्जतको डरले पीडितले कोही कसैलाई नभनेको प्रहरीमा बयान दिएकी छिन् ।