news-details
समाचार

Share this post!

विदेश जाने युवाहरु खोप लाउन नपाई लखेटिए 

काठमाडौं ।  टेकू अस्पताल खोप केन्द्रमा खोप लगाउन आएका झण्डै तीन सयजनालाई खोप नदिई फिर्ता पठाइएको छ ।
अमेरिका सरकारले उपलब्ध गराएको जोन्सन एण्ड जोन्सन खोप लगाउनका लागि लाइनमा बसेकाहरुलाई भिड धेरै भएको भन्दै प्रहरी लगाएर फिर्ता पठाइएको हो । ५३–५४ वर्षका, सफाईकर्मी, स्वास्थ्यकर्मीसहित विदेश जानेहरुका लागि खोप दिने तयारी थियो । तर भिड थेगिनसक्नु भएको भन्दै टेकू अस्पताल खोप केन्द्रबाट पासपोर्टसहित खोपका लागि पुगेका युवायुवतिहरुलाई फिर्ता पठाइएको हो । सात सयजनालाई पुग्ने खोप रहेको भए पनि झण्डै तीन सय जनालाई बिना खोप पठाइएको हो ।विदेश जान तयारीमा रहेका र खोप लगाउन नपाएका युवाहरुले आफूहरुलाई सरकारले हेर्नु पर्ने र काम गर्न जान पाउनु पर्ने माग गरेका छन् ।