news-details
अन्तरास्ट्रिय

Share this post!

जलवायु सहकार्यका लागि अमेरिका–चीन सहमत

काठमाडौं : विश्वका सबैभन्दा ठूला कार्बन उत्सर्जक गर्ने देश चीन र अमेरिका जलवायु सहकार्य बढाउन सहमति नजिक पुगेका छन्। दुई देश जलवायु परिवर्तनसँग जुध्न मिथेन उत्सर्जन कटौती, वनजंगल संरक्षण र कोइलाको प्रयोग अन्त्य गर्ने लगायतका विषयमा यो दशकभर सहकार्य गर्न सहमत भएका हुन्। संयुक्त राष्ट्रसंघीय जलवायु परिवर्तन सम्मेलन कोप–२६ मा गरिएको संयुक्त घोषणामा चीन र अमेरिकाले जलवायु परिवर्तनसँग लड्ने प्रयासहरु दोब्बर बनाउने सहमतिमा पुगको बताएका छन्।चीन र अमेरिकाले सन् २०१५ को पेरिस सम्झौताले तय गरेको १.५ डिग्री सेल्सियसको लक्ष्य प्राप्त गर्न एक साथ कामगर्न आफ्नो दृढ प्रतिबद्धता जनाएको बीबीसीले जनाएको छ। यो लक्ष्य पूरा गर्न रहेको ठूलो खाडल कमगर्ने प्रयासहरू बढाउन पनि उनीहरूले आह्वान गरेका छन्। यसैबीच संयुक्त राष्ट्र संघका महासचिव एन्टिनियो गुटेरशले ची र अमेरिकाबीच जलवायु सहकार्यमा भएको सहमतिको स्वागत गरे। उनाले यो सम्झौतालाई सही दिशामा एक महत्वपूर्ण कदम भएको उल्लेख गरे।