news-details
अन्तरास्ट्रिय

Share this post!

जापानमा सुरु भयो अनौठो बस : सडकको साथै रेलवे ट्रयाकमा पनि चल्छ

यो बस हो, यो रेल हो, यो दोहोरो काम गर्ने (डीएमभी) सवारी साधन हो । जापानले विश्वकै पहिलो दोहोरो भूमिका भएको सवारी साधन बनाएको छ, जुन सडक र रेलको लिकमा दुबैमा कुद्न सक्छ । यो जापानको टोकुसिमा परफेक्चरको काईयो बस्तीमा शनिबारदेखि गुड्न थालेको छ । डीएमसी मिनिबस जस्तो देखिन्छ र सामान्य खालको रबरको टायरमा सडकमा गुड्छ । तर यो जब आन्तरिक परिवर्तनको समयमा आइपुग्छ स्टिलको पाङ्ग्रा रेलको ट्रयाकमा आफसेआफ बस्न जान्छ । यसले प्रभावकारी रूपमा रेलको लिकमा आफूलाई सेट गर्छ ।डीएमभी चलाउने आसा कोस्ट रेलवे कम्पनीका सीईओले भने,‘यो सवारीले साना सहरहरू जस्तै काइयोलाई सहयोग गर्न सक्छ । यो सहरको जनसङ्ख्या बुढ्यौलीतर्फ र सङ्कुचनको अवस्थामा गइरहेको छ । यो सहरमा स्थानीय सवारी साधनहरू नाफाका लागि संघर्ष गरिरहेका छन् ।‘यो डीएमभी स्थानीय अवस्थामा बसको रूप लिन्छ र यात्रुलाई रेलवेमा लैजान्छ,’ सीईओ सिगेकी मिउराले बताए । ‘बुढ्यौली उमेरको जनसङ्ख्याका कारण विशेषगरी यो ग्रामीण क्षेत्रका लागि उपयोगी मानिन्छ । हामीलाई लागेको छ कि यो सार्वजनिक सवारी साधनको एउटा राम्रो स्वरूप हो ।’यो सवारी साधन रेलवे ट्रयाकमा २१ यात्रु बोकेर प्रतिघन्टा ६० किलोमीटसरको गतिमा र परम्परागत सडकमा १०० किलोमीटरको गतिमा गुड्न सक्ने आसा कोस्ट रेलवेले बताएको छ । यसमा इन्धनको रूपमा डिजेल प्रयोग गरिन्छ । सानो आकारको यो सवारी विभिन्न रङमा उपलब्ध छ । यसलाई दक्षिणी जापानको शिकोकु तटमा पनि गुडाइने योजना बनाइएको छ ।