news-details
अन्तरास्ट्रिय

Share this post!

जब बैंकले भुलबस ग्राहकका खातामा पठायो २१ अर्ब !

काठमाडौं । यदि तपाइँको खातामा अचानक लाखौँ रुपैयाँ आयो भने के गर्नुहुन्छ रु वित्तीय अपराध धेरै हुने अहिलेको जमानामा यसरी बैंकमा अकस्मात ठूलो रकम आउँदा खुसी भन्दा धेरै डर लाग्नु स्वभाविकै हो । कहिलेकाहीँ स्वयं बैंकले पनि गल्तीले ग्राहकको खातामा मोटो रकम पठाउँदो रहेछ । बेलायतमा हालै एउटा यस्तो घटना भएको छ ।बेलायतको Stander बैंकले ७५ हजार जनाका बैंक खातामा भुलबस २१ अर्ब रुपैयाँ बराबरको रकम पठाएको छ ।आफ्नो खातामा अकस्मात बैंकबाट पैसा आएपछि ग्राहकहरु खुसी भए । तर पछि उक्त रकम बैंकको गल्तीले पठाइएको थाहा पाएतापनि धेरै मानिसले पैसा फिर्ता गर्ने जाँगर चलाएका छन् ।समाचार अनुसार स्यान्टान्डर बैंकले गत क्रिसमसको दिन एउटा ठूलो गल्ती गर्‍यो । आफ्नो बैंकका २ हजार ग्राहकका खातामा रहेको १३ करोड पाउण्ड रकम अन्य विभिन्न बैंकका ७५ हजार ग्राहकहरुको खातामा ट्रान्सफर गरिदियो ।आफ्नो गल्ती थाहा पाएसँगै बैंकले भुलबस रकम पठाइएका खाताका ग्राहकहरुसँग रकम फिर्ता गर्न अनुरोध गरेको छ । तर रकम प्राप्त गरेका मानिसहरु मध्ये धेरैले पैसा फिर्ता गर्न मानिरहेका छैनन् ।रोचक त के भने सानट्याण्डर बैंकले त्यो रकम आफ्ना प्रतिस्पर्धी बैंकहरु Barcclays, Natwest, HSBC, Cooperative Bank तथा भर्जिन मनी लगायतका ग्राहरुहरुको खातामा पठाएको थियो । तर ती ग्राहकहरुले पैसा फिर्ता गर्न नमान्दा बैंकलाई घाटा बेहोर्नुपर्ने चिन्ता थपिएको छ ।त्यसैले उसले सख्त कदम चाल्ने योजना बनाएको छ । बेलायतको कानून अनुसार यसरी भुलबस खातामा पठाइएको रकम फिर्ता लिने अधिकार बैंकसँग छ । फिर्ता गर्न नमान्ने मानिसहरु विरुद्ध बैंक कानूनी कारवाहीमा जानसक्ने र त्यस्ता व्यक्रिलाई १० वर्षसम्मको जेल सजायँ हुनसक्ने व्यवस्था छ ।