news-details
अन्तरास्ट्रिय

Share this post!

भारतले आफ्ना नागरिकलाई भन्यो युक्रेनको यात्रा नगर्नू

नयाँ दिल्ली । भारतले बुधवार एक एडभाइजरी जारी गर्दै आफ्ना सबै नागरिकहरूलाई युक्रेन यात्रा नगर्न अनुरोध गरेको छ ।  युक्रेनको सुरक्षा अवस्था थप बिग्रिएको भन्दै भारतले यस्तो एडभाइजरी जारी गरेको हो ।युक्रेनमा रहेको भारतीय दूतावासले आफ्नो ट्विटर ह्यान्डलमा भन्यो, “बिग्रिएको सुरक्षा अवस्था र युक्रेनमा हालै बढेको शत्रुतालाई ध्यानमा राख्दै, भारतीय नागरिकहरूलाई युक्रेन यात्रा नगर्न सल्लाह दिइन्छ ।”आफ्ना नागरिकलाई सचेत गर्दै ट्विटरमा अगाडि भनिएको छ, “हाल युक्रेनमा रहेका विद्यार्थीहरू सहित भारतीय नागरिकहरूलाई उपलब्ध माध्यमबाट चाँडोभन्दा चाँडो युक्रेन छोड्न सल्लाह दिइन्छ।”रुसी राष्ट्रपति भ्लादिमिर पुटिनले बुधवार चार युक्रेनी क्षेत्रहरूमा मार्सल ल लागू गरेपछि यो सल्लाह आएको हो ।। युद्ध चर्किने सम्भावना बढिरहेका बेला खेर्सनबाट मानिसहरू सुरक्षित क्षेत्रतर्फ बढेका प्राप्त विवरणहरूमा जनाइएको छ ।