news-details
अन्तरास्ट्रिय

Share this post!

चीनका जनताको समर्थनमा पेरिस, एम्स्टर्डम, टोरन्टो र अमेरिकामा समेत प्रदर्शन

लन्डनपछि अब पेरिस, एम्स्टर्डम, डब्लिन, टोरन्टो र अमेरिकाका केही सहरमा चिनियाँ प्रदर्शनकारीको समर्थनमा मानिसहरू भेला भइरहेका छन् ।यद्यपि बीबीसीले  अनलाइनमा साझा भइरहेका तस्बिरको पुष्टि नगर्ने तर पेरिसको पोम्पिडाउ सेन्टर बाहिर मानिसहरु प्रदर्शन गरिरहेको देखिएको भने जानकारी दिएको छ ।तीमध्ये केहीको हातमा वुलुम्ची मिडिल रोड साइन देखिएको छ । सांघाईको यो सडकको नाम पश्चिमी सिनजियाङको उरुम्ची शहरको नाममा राखिएको हो । गत हप्ता उरुम्चीमा एउटा भवनमा आगलागी हुँदा १० जनाको मृत्यु भएको थियो । उरुकभीकम यस वर्ष अगस्ट महिनादेखि कोभिड प्रतिबन्ध लागेको छ ।एम्स्टर्डममा धेरै मानिसहरू खाली सेतो कागजसहित देखिएका थिए । यसले चीनमा सेन्सरशिपलाई सङ्केत गर्छ ।अनलाइन पोस्ट गरिएका तस्बिरहरूमा, डबलिनमा प्रदर्शनकारीहरूको समूहले ऐतिहासिक सहर संरचनाहरू नजिकै मैनबत्तीहरू बाल्दै र फूलहरू राखेको देख्न सकिन्छ । यस्तै खालको दृश्य सान फ्रान्सिस्को र टोरन्टोका साथै बेलायतको युनिभर्सिटी अफ शेफिल्डमा पनि देखिएका छन् ।